Магистрын цахим сургалт
Олон Улсын Сайбер Их Сургууль
Монгол Улсын дээд боловсролын анхны 100% цахим магистрын сургалт — 6 мэргэжлийн чиглэлээр, Moodle системээр дамжуулан.
Тухай
АШУҮИС-ийн салбар Эрдмийн сургуулийн Олон Улсын Сайбер сургалтын төв 2015 оны 10 дугаар сарын 15-нд Монгол Улсын дээд боловсролын түүхэнд анх удаа төгсөлтийн сургалтад бүрэн цахим хэлбэрээр магистрын сургалт явуулах зорилгоор "Олон улсын Сайбер Их Сургууль" нэртэйгээр байгуулагдсан. Цахим сургалтыг Монголд нутагшуулахад БНСУ-ын Ёнсей Их Сургуулийн зочин профессор, АШУҮИС-ийн хүндэт профессор Ён Мүн Чэ чухал хувь нэмэр оруулсан.
Тус төв Анагаах ухаан, Нийгмийн эрүүл мэнд, Уламжлалт анагаах ухаан, Нүүр ам судлал, Сувилахуй, Эм-зүй гэсэн нийт 6 мэргэжлийн чиглэлийн хөтөлбөрөөр магистрын сургалтыг 100 хувь цахим хэлбэрээр, Moodle системийг ашиглан явуулдаг.