Элсэлт

Элсэгчдэд Тавигдах Шаардлага

АШУҮИС-д элсэн суралцах дотоод болон гадаад иргэдэд тавигдах ерөнхий шаардлага. Элсэлтийн журам жил бүр шинэчлэн батлагддаг тул тухайн жилийн бодит шаардлагыг admission.mnums.edu.mn сайтаас лавлана уу.

Элсэлтийн портал Холбоо барих

Дотоод элсэгчдэд тавигдах ерөнхий шаардлага

Бүрэн дунд буюу түүнээс дээш боловсролтой байх; Элсэлтийн ерөнхий шалгалтын (ЭЕШ) Боловсролын Үнэлгээний Төвийн (БҮТ) хүчин төгөлдөр батламжтай эсвэл гадаадын улс орны ерөнхий боловсролын шалгалтын оноог БҮТ-өөр дүйцүүлсэн батламжтай байх; тухайн хөтөлбөрт шаардагдах хичээлээр ЭЕШ-ын үндэсний хэмжээний босго оноог хангасан байх; АШУҮИС-д элсэх хүсэлт гаргасан байх.

Гадаад иргэнийг элсүүлэх шалгуур

Хүсэлт гаргах хугацаа
Төгсөлтийн өмнөх сургалтад суралцах гадаадын иргэн жил бүрийн 4 дүгээр сарын 1-ээс 7 дугаар сарын 1-ны хооронд хүсэлтээ гадаад харилцааны газарт эсвэл цахимаар (int.relations@mnums.edu.mn) гаргана.
Бүрдүүлэх материал
Гадаад иргэний үнэмлэх/паспорт, боловсролын түвшинг илтгэх диплом (орчуулгын хамт), англи хэлний мэдлэгийг илтгэх баримт (TOEFL/IELTS/TOEIC гэх мэт), цээж зураг, эрүүл мэндийн хуудас.
Бүртгэл, гэрээ
Шаардлага хангасан гадаад элсэгчийг АШУҮИС-ийн захирлын тушаалаар баталгаажуулж, Оюутны хөгжил, удирдлагын газар суралцах гэрээ байгуулна.